დღევანდელ კონკურენტულ სამუშაო ბაზარზე, ვარსკვლავური რეზიუმეს შექმნა და გაგზავნა დასაქმებისკენ მიმავალ გზაზე, მხოლოდ ბრძოლის ნახევარია. სანამ საოცნებო სამუშაოს განაცხადზე “გაგზავნა” ღილაკს დააკლიკავთ, არის ერთი მნიშვნელოვანი ინფორმაცია, რომელიც აუცილებლად უნდა მოიკვლიოთ: კომპანიის კორპორატიული კულტურა, მისი სამოტივაციო სქემა, დამსაქმებლის ღირებული შეთავაზებების ჩამონათალი (EVP) და კიდევ ბევრი რამ.
კომპანიის შესახებ რეზიუმეს გაგზავნამდე, კვლევის ერთ-ერთი მთავარი მიზანი მისი კულტურისა და ღირებულებების საფუძვლიანი გაცნობა უნდა იყოს. რეალურად, კომპანიის კულტურა მოგცემთ ღირებულ ინფორმაციას მის სამუშაო გარემოს, თანამშრომელთან ურთიერთობების და საერთო ატმოსფეროს შესახებ. კულტურის გაგებით, შეგიძლიათ განსაზღვროთ განვითარდებით თუ არა ამ გარემოში და შეესაბამება თუ არა თქვენი ღირებულებები კომპანიის ღირებულებებს.
ძალიან ცნობილი ონლაინ პორტალ Glassdoor-ის მიერ ჩატარებული გამოკითხვის თანახმად, სამუშაოს მაძიებელთა 77% ითვალისწინებს კომპანიის კულტურას სამუშაოზე განაცხადის გაკეთებამდე. უფრო მეტიც, დასაქმებულთა 56% ამბობს, რომ კომპანიის კულტურა უფრო მნიშვნელოვანია, ვიდრე ხელფასი, როდესაც საქმე სამუშაო კმაყოფილებას ეხება.
კულტურის შესახებ ინფორმაციის გაგების მიღმა, კომპანიის კვლევა იძლევა მნიშვნელოვან ინფორმაციას მის საჭიროებებსა და მოთხოვნებზე. კომპანიის ვაკანსიების, ვებ გვერდის, სოციალური პლათფორმების და შეიძლება სხვადასხვა ინფორმაციის გაანალიზებით, შეგიძლიათ განსაზღვროთ კონკრეტული უნარები და გამოცდილება, რომლებსაც კომპანია აფასებს. ეს ინფორმაცია საშუალებას მოგცემთ მოარგოთ თქვენი რეზიუმე კომპანიის საჭიროებეს, რათა ხაზი გაუსვათ თქვენს კანდიდატურას, როგორც ყველაზე მეტად შესაბამისი კვალიფიკაციის მატარებელი კონკრეტულ პოზიციაზე.
CareerBuilder-ის მიერ ჩატარებული კვლევის მიხედვით, რეკრუტერების 61% უპირატესობას ანიჭებს პოზიციაზე მორგებულ CV-ებს. გარდა ამისა, მუდმივად გახსოვდეთ, რომ დამსაქმებელთა 36% ერთ წუთზე ნაკლებს ხარჯავს 1 რეზიუმის განხილვაში.
დამსაქმებლები აფასებენ კანდიდატებს, რომლებიც ავლენენ ინტერესს და ამავდროულად ერთგულებას თავიანთი კომპანიის მიმართ. რეზიუმეს გაგზავნამდე კი კომპანიის შესახებ ინფორმაციის მოკვლევა აჩვენებს, რომ თქვენ სერიოზულად აფასებთ შესაძლებლობებს, მზად ხართ დახარჯოთ დრო და ძალისხმევა კომპანიის მისიის, მიზნებისა და გამოწვევების გასაგებად. ამის დასტურად შეგვიძლია ისევ მოვიყვანოტ CareerBuilder-ის მიერ ჩატარებული გამოკითხვა, რომლის მიხედვითაც დამსაქმებელთა 86% ამბობს, რომ განმცხადებლის ენთუზიაზმი კონკრეტული ღია პოზიციის მიმართ გავლენას ახდენს მათ გადაწყვეტილებაზე დასაქმების თაობაზე.
და ბოლოს, აუცილებლად უნდა ვთქვათ, რომ დეტალური ინფორმაციის მოკვლევა დაგეხმარებათ თავიდან აიცილოთ პოტენციური შეუსაბამობა და სტრესი კომპანიასთან მიმართებაში. კომპანიის ისტორიის და რეპუტაციის გაგებით, შეგიძლიათ შეაფასოთ, შეესაბამება თუ არა ის თქვენს კარიერულ მიზნებსა და მისწრაფებებს. გარდა ამისა, შეგიძლიათ დაადგინოთ ნებისმიერი ე.წ. წითელი დროშა, რომელიც შეიძლება წარმოიშვას სამომავლო ურთიერთობების დროს. Monster-ის გამოკითხვამ აჩვენა, რომ დასაქმებულთა 38%-მა სამსახური დატოვა ცუდი კომპანიის კულტურის გამო, ხოლო 18%-მა კომპანია დატოვა ეთიკური საკითხების გამო.
დასასრულს, CV-ის გაგზავნამდე კომპანიის კვლევა მნიშვნელოვანი ნაბიჯია. ეს საშუალებას გაძლევთ გაიგოთ კომპანიის კულტურა, შეუსაბამოთ თქვენი უნარები და ღირებულებები მათ საჭიროებებს, გამოავლინოთ ნამდვილი ინტერესი და თავიდან აიცილოთ პოტენციური შეუსაბამობა და სტრესი. საფუძვლიან კვლევაში თქვენი დროისა და ძალისხმევის ინვესტიციით, შეგიძლიათ გაზარდოთ თქვენი საოცნებო სამუშაოს მიღების შანსები და რეალურად იპოვოთ კომპანია, სადაც წარმატებას მიაღწევთ. დაიმახსოვრეთ, დამატებით ძალისხმევას, რომელსაც თქვენ დახარჯავთ „გაგზავნა“ ღიკალზე დაჭერამდე, შეუძლია ძირეული ცვლილება შეიტანოს თქვენს კარიერაში.
სულხან სახვაძე
Helio.AI თანადამფუძნებელი და CPO
🌟 მოიძიეთ შესაძლებლობები Unijobs.ge-ზე და ერთად ჩამოვაყალიბოთ მომავალი, სადაც თქვენი წარმატება განისაზღვრება თქვენი დამოკიდებულებით.
